KISAH PANCANTOHO LEWU MANGKATIP (Basa Bajajo/Dayak Ngaju)
PANCANTOHO PATJAKA DAJAK BADJADJO LEWU MANGKATIP
Lewu Mangkatip ie te huang ngawa sungei Barito, huang kecamatan Dusun Hilir Kabupaten Barito Selatan. Lewu jituh tege kesah sejarah je bahalap toto akan ingesah, intu lewu jetoh tege ramu helu je ilihi oloh Dayak Bajajo oloh Mangkatip. Sampai wayah toh imercaya ramu jete tempon kaji je hai kea tau malindong lewu bara bahaya (metoh jaman penjajah sampai toh).
Pancantoho Patjaka Dayak Badjajo (imbasa Pangantoho Pusaka Dayak Bajajo) ie te tisa sampung jukung bara Kerajaan Banjar je sulak ah (Raja Banjar je sulak ah masih baagama Hindu Kaharingan). Kilau kaparcayaan oloh lewu, pusaka jete elai awi roh gaib tempon kaji je gantung toto pea tau malindong lewu Mangkatip bara uras bahaya.
Kilau kesah jaman huran ramu te inyundau gawi oloh je manjala intu daerah Tanjung Paku (daerah ngaju Janamas). Metoh manjala palauk te mahining suara tangis anak olohan ie langsung tende manjala palus manggau bara kueh tangis te hining hindai. Ie palus buli ka lewu Mangkatip manyarita akan oloh lewu kajadian jete.
Andau jewu ie tulak ingawal telo pahari. Ewen tulak hapan jukung. Metoh jadi sampai hete ewen mahining tangis anak oloh, dia manunggu hindai ewen manggau bara kueh suara tangis te. Sakalinya suara tangis te bara haluan jukung je jadi bakehu. Ewen sapakat maimbit ramu je dinun te akan lewu. Metoh sampai intu lewu ewen maandak haluan jukung te penda upun kapuk jangkung (sampai toh upun kapuk te masih tege tu bentuk lewu), limbah te ewen buli huma.
Hamalem andau, ije bara epat bapahari te nupi. Huang nupi te ie ingguang roh gaib je melai haluan jukung je sundau ewen intu Tanjung Paku. Roh te bakesah akae: "Aku tuh sampung jukung oloh Karuis (Quraisy) kea aku toh handak umba melai hong lewu Mangkatip kea, aku je mahaga lewu tuh gawi aku masi dengan keton lewu. Kea dohop keton oloh lewu manampa huma akan lekakuh melai, kea amun keton handak manindar aku bara hetuh, aku dia tau nindar akan ngawa, amun aku tindar musti murik akan ngaju". Kilau te nupi palauk te.
Andau jewu palauk te bakesah akan oloh lewu' tentang nupi te.
Tanggal 20/11/1938 inampa huma akan leka melai pancantoho. Metoh te palauk dengan telo pahari tulak perang malawan penjajah intu daerah kuluk Barito (Murung Raya) je ingatawan "Perang Kasintu Kuluk Barito", maka epat oloh te jaton hining kabar hindai.
Oloh je intih akan mahaga pancantoho ie te oloh hatue bakas arae Pantau (je ingasene dengan galar Bue Janggut). Limbah Bue Janggut malihi pancantoho inindar ka ngaju Mangkatip iiring gawi upacara adat Dayak. Limbah pancantoho nindar akan ngaju Mangkatip je intih gawi pancantoho akan mahaga ie atawa juru kunci ie te oloh bawi je tehau Indu Burui. Gawi huma leka pancantoho melai rusak tutu maka tanggal 20/01/1987, pancantoho nindar hindai kan ngaju Mangkatip (wayah toh tukep kantor Kelurahan Mangkatip) oloh hatue je arae Duyan Lihun (intehau Pa An) akan juru kunci mahaga pancantoho. Sampai toh Pa An masih jadi juru kunci.
Metoh ihaga Pan An puji tege kajadian je mawi oloh lewu hengan. Gawi metoh te puji dumah oloh bawi arae Lamsiah bara Banua. Ie dumah akan Mangkatip manyundau juru kunci pancantoho. Hong kanih ie bakesah ie te utus palauk je sundau sampung jukung te, ie dumah akan Mangkatip te handak mangesah nupi ayu ie te bara kanai sampung jukung te balua gita je musti ingumpul hunjun piring malawen. Amun andak hunjun piring malawen gita te hubah jadi batu.
Metuh inampayah batu te anak roh gaib je melai sampung jukung te, batu te tege galar ayu kilau leka je inguasa awi te. Roh gaib pancantoho te balaku juru kunci manyatukan aran je nenga je rimae Datu Kayu. Sampai tuh pancantoho dia puji tindar kea ingasene galar Datu Kayu Melai Huma Bahenda.
Jadi are oloh je dumah ka hete bahajat, tege kea je mandui dengan balaku obat akan panyakit je bahali keleh.
Sampai tuh leka te masih rami ingguang oloh, kea leka jete jadi tame daftar Cagar Budaya Kalteng gawi oloh Mangkatip masih parcaya Datu Kayu Pancantoho tau malindung lewu bara bahaya.
Alamat Kontak:
Dinas Kebudayaan dan Pariwisata Kabupaten Barito Selatan
Jalan Pelita Raya 50 Buntok
Telepon 0525-21192 Fax 0525-21249
e-mail: barito.selatan@windowslive.com
web: http://www.dayak-barito-selatan.blogspot.com/
fb: barito.selatan
Lewu Mangkatip ie te huang ngawa sungei Barito, huang kecamatan Dusun Hilir Kabupaten Barito Selatan. Lewu jituh tege kesah sejarah je bahalap toto akan ingesah, intu lewu jetoh tege ramu helu je ilihi oloh Dayak Bajajo oloh Mangkatip. Sampai wayah toh imercaya ramu jete tempon kaji je hai kea tau malindong lewu bara bahaya (metoh jaman penjajah sampai toh).
Pancantoho Patjaka Dayak Badjajo (imbasa Pangantoho Pusaka Dayak Bajajo) ie te tisa sampung jukung bara Kerajaan Banjar je sulak ah (Raja Banjar je sulak ah masih baagama Hindu Kaharingan). Kilau kaparcayaan oloh lewu, pusaka jete elai awi roh gaib tempon kaji je gantung toto pea tau malindong lewu Mangkatip bara uras bahaya.
Kilau kesah jaman huran ramu te inyundau gawi oloh je manjala intu daerah Tanjung Paku (daerah ngaju Janamas). Metoh manjala palauk te mahining suara tangis anak olohan ie langsung tende manjala palus manggau bara kueh tangis te hining hindai. Ie palus buli ka lewu Mangkatip manyarita akan oloh lewu kajadian jete.
Andau jewu ie tulak ingawal telo pahari. Ewen tulak hapan jukung. Metoh jadi sampai hete ewen mahining tangis anak oloh, dia manunggu hindai ewen manggau bara kueh suara tangis te. Sakalinya suara tangis te bara haluan jukung je jadi bakehu. Ewen sapakat maimbit ramu je dinun te akan lewu. Metoh sampai intu lewu ewen maandak haluan jukung te penda upun kapuk jangkung (sampai toh upun kapuk te masih tege tu bentuk lewu), limbah te ewen buli huma.
Hamalem andau, ije bara epat bapahari te nupi. Huang nupi te ie ingguang roh gaib je melai haluan jukung je sundau ewen intu Tanjung Paku. Roh te bakesah akae: "Aku tuh sampung jukung oloh Karuis (Quraisy) kea aku toh handak umba melai hong lewu Mangkatip kea, aku je mahaga lewu tuh gawi aku masi dengan keton lewu. Kea dohop keton oloh lewu manampa huma akan lekakuh melai, kea amun keton handak manindar aku bara hetuh, aku dia tau nindar akan ngawa, amun aku tindar musti murik akan ngaju". Kilau te nupi palauk te.
Andau jewu palauk te bakesah akan oloh lewu' tentang nupi te.
Tanggal 20/11/1938 inampa huma akan leka melai pancantoho. Metoh te palauk dengan telo pahari tulak perang malawan penjajah intu daerah kuluk Barito (Murung Raya) je ingatawan "Perang Kasintu Kuluk Barito", maka epat oloh te jaton hining kabar hindai.
Oloh je intih akan mahaga pancantoho ie te oloh hatue bakas arae Pantau (je ingasene dengan galar Bue Janggut). Limbah Bue Janggut malihi pancantoho inindar ka ngaju Mangkatip iiring gawi upacara adat Dayak. Limbah pancantoho nindar akan ngaju Mangkatip je intih gawi pancantoho akan mahaga ie atawa juru kunci ie te oloh bawi je tehau Indu Burui. Gawi huma leka pancantoho melai rusak tutu maka tanggal 20/01/1987, pancantoho nindar hindai kan ngaju Mangkatip (wayah toh tukep kantor Kelurahan Mangkatip) oloh hatue je arae Duyan Lihun (intehau Pa An) akan juru kunci mahaga pancantoho. Sampai toh Pa An masih jadi juru kunci.
Metoh ihaga Pan An puji tege kajadian je mawi oloh lewu hengan. Gawi metoh te puji dumah oloh bawi arae Lamsiah bara Banua. Ie dumah akan Mangkatip manyundau juru kunci pancantoho. Hong kanih ie bakesah ie te utus palauk je sundau sampung jukung te, ie dumah akan Mangkatip te handak mangesah nupi ayu ie te bara kanai sampung jukung te balua gita je musti ingumpul hunjun piring malawen. Amun andak hunjun piring malawen gita te hubah jadi batu.
Metuh inampayah batu te anak roh gaib je melai sampung jukung te, batu te tege galar ayu kilau leka je inguasa awi te. Roh gaib pancantoho te balaku juru kunci manyatukan aran je nenga je rimae Datu Kayu. Sampai tuh pancantoho dia puji tindar kea ingasene galar Datu Kayu Melai Huma Bahenda.
Jadi are oloh je dumah ka hete bahajat, tege kea je mandui dengan balaku obat akan panyakit je bahali keleh.
Sampai tuh leka te masih rami ingguang oloh, kea leka jete jadi tame daftar Cagar Budaya Kalteng gawi oloh Mangkatip masih parcaya Datu Kayu Pancantoho tau malindung lewu bara bahaya.
Alamat Kontak:
Dinas Kebudayaan dan Pariwisata Kabupaten Barito Selatan
Jalan Pelita Raya 50 Buntok
Telepon 0525-21192 Fax 0525-21249
e-mail: barito.selatan@windowslive.com
web: http://www.dayak-barito-selatan.blogspot.com/
fb: barito.selatan
Komentar